Juan Tallón
(Vilardevós, Ourense, 1975) Filosofian lizentziatua, kazetaria eta idazlea. El Progreso egunkarian lan egin du, eta El País egunkarian eta Jot Down aldizkarian kolaboratu ohi du. Aspalditik, atal finkoa du Javier del Pinok Cadena Ser irrati-katean aurkezten duen ‘A vivir’ saioan, ‘La píldora de Tallón ‘izenekoa. Saioan izandako parte-hartzerik esanguratsuenak ‘Mientras haya bares’ (Círculo de Tiza) liburuan daude jasota. Tallónek hainbat liburu idatzi ditu galegoz zein gaztelaniaz. Horien artean daude ‘Libros peligrosos’ entsegua eta ‘Fin de poema’ (Alrevés), ‘Salvaje oeste’ (Espasa), ‘Rewind’ eta ‘Obra maestra’ eleberriak. Anagramak argitaratu ditu azken biak, eta baita haren azkeneko eleberria ere: ‘El mejor del mundo’ (2024).
© Laura Ortega
