Jeanette Winterson

Edizioa 2018

Manchester-en jaio zen eta baliabide ekonomiko gutxi zituen bikote baten adopziozko alaba da. Liburu gutxi eta erlijioarenganako debozio izugarria zeuden ingurune batean hazi zen. Hamasei urterekin etxetik joan zen Oxford-en ikasketak egiteko, eta neska batekin lehenengo amodio-historia bizitu zuen. Hogeita lau urterekin ‘Fruta prohibida’ arrakastatsua argitaratu zuen, eta, haren atzetik, ‘La pasión’, ‘Espejismos’, ‘Escrito en el cuerpo’ eta ‘La niña del faro’. Azken eleberri horrekin Lumen-ek egilearen obrarik garrantzitsuenei eskainitako liburutegia inauguratu zuen. 2012an, ‘¿Por qué ser feliz cuando puedes ser normal?’ memoria-liburu aparta plazaratu zuen, eta haren atzetik, ‘La mujer de púrpura’, ‘El mundo y otros lugares’ eta ‘El hueco del tiempo’ argitaratu zituen. ‘Días de navidad’ da haren azken liburua.