Ja! Festival 2018

Bederatzigarren Ja!-n nazioarteko autore bikainak izan genituen:  Mircea Cartarescu, Jeanette Winterson eta David Foenkinos. Ilusio handia egin zigun Soledad Puértolasek gure gonbidapena onartu izanak (gonbidatu guztiak maila berean gustatzen zaizkigu; sekula ez diogu geure buruari galdetzen ea nor maite dugun gehiago, ama edo aita). Álex de la Iglesiak jaso zuen jaialdiko saria, bere filmografiak zuzentasun politikoen gainetik umore basatia bereizgarri izateagatik. Bere aktore fetitxeetako batek, gure Carlos Areces maiteak, elkarrizketa barregarria egin zion jendaurrean. Leporatu ere bai, ‘Balada triste de trompeta’ filmatzean oso gaizki tratatu zuela (biluzik eta zero gradutan basoan).