Ja! Festival 2013

Laugarren jaialdian underground umorearen monografikoa nagusitu zen. Nor da underground komikiaren erregea? Robert Crumb, noski. Frantziako hegoaldean patxadaz bizi denetik ez omen da ekitaldietara joaten eta ohartarazi ziguten alferrikakoa izango zela hari saria ematea. Itxura guztien kontra, bere emazte xarmagarriarekin etorri zen Bilbora. Aline Kominsky, 2023an hil zena, marrazkilaria zen ere. Hark gidatzen zuen Robert, askotan bere baitan bilduta zegoena, eta argazkietan tente jarrarazten zuen; izan ere, trauskilaren paradigma da Crumb.  Bikotekideak elkarrekin pozik zeudela nabari zen.  Sari-banaketan, jendaurreko elkarrizketa egin zion Santiago Segurak, liluratuta, eta, izan ere, komikiaren jainkotzat zuen Crumb.