Ja! Festival 2015

Zazpigarren jaialdian, ‘Quino por Mafalda’ lelopean, Ja!-ren historiako erakusketarik bisitatuena egin genuen.  Mafalda puzgarri erraldoi bat zen, eta Buenos Airestik bidaiatu zuen erakusketa-obrarekin batera. Izugarri gustatu zitzaien haurrei eta hain haurrak ez zirenei. Fernando Trueba izan zen urte hartako saritua. Gran Wyoming-ek egin zion elkarrizketa, Campos Elíseos antzokian, eta umorez elkarrizketatu zuen arren, txikitako lagunak izanik, solasaldi sakona ere izan zen. ‘El humor en la música clásica’ saio ederra izan zen. Enrique Portocarrerok gaian aditua den Benet Casablancas konpositoreari egin zion elkarrizketa. Eszenatokiaren beste muturrean, Bilboko Orkestra Sinfonikoaren hari-laukoteak Casablancas konpositoreak aipatutako abestiak interpretatu zituen.