Ja! Festival 2023

Ongi etorri jaun-andre, nekromante, maitagarri, iratxo, azti eta sorginak, Ja! jaialdiaren hamalaugarren edizio magiko honetara. Nerabezaroak ezaugarri duen burugabekeriarik gabe heldu gara adin honetara, berez eta sortzez baikara burugabeak gu. Hamalaugarren jaialdi honetan, magia da gai nagusia, arteetan eta kulturan islatzen den magia, alegia. Irudimenaren magia, azaldu ezin denarena, naturaz gaindikoarena, limurtzearen magia, zentzumenak baino azkarragoa denarena, benetakoa itxura izan nahi duten gauza artifizialena eta haurren begirada tolesgabeak erakusten diguna. Magiaren alderdi horiekin guztiekin gozatuko dugu, egitarauko ekintzei lotuta, eta jakina, umoreari lotuta beti.