Ja! Festival 2022

13 urte bete ditugu, eta ospatzeko, geure buruari, zorte txarrari eta zenbaki horri lotutako superstizioari egingo diogu barre. Horrela egin genuen jada Javier Jaének eskailera azpiko katu beltzaren kartel estilizatua marraztu zuenenean, teknikolor distiratsuan. Haren lehen atzerabegirakoa ere egin genuen, ‘Primer Asalto’ izenburupean (Ja-Ja en el Ja!, hark berak esan zuen bezala). Harrera ona izan zuen. Gonbidapena behin eta berriz jasotzearekin akituta, azkenean lortu genuen Caitlin Moran gurera ekartzea. Jonathan Coerekin ere egin genuen berriketa, eta kontaezinak izan ziren Rodrigo Cortések sinatutako ‘Verbolario’-ren aleak. 13ari iseka egiteak gure ausardiak merezitakoak baino nahigabe gutxiago eragin zizkigun.